«Google Chrome»-a gələn «Parol Paylaşımı» funksiyası

«Google Chrome»-a istifadəçi təcrübəsini yaxşılaşdıracaq faydalı bir xüsusiyyətin gələcəyi ortaya çıxıb. Yeni funksiya istifadəçilərə saxladıqları parolları tez bir zamanda paylaşmağa imkan verəcək. Taleyi hələ məlum olmayan xüsusiyyətlə bağlı bütün təfərrüatlar burada...

Dünyanın ən çox istifadə edilən internet brauzeri olan «Google Chrome»-a yeni xüsusiyyətin əlavə ediləcəyi ortaya çıxıb. Proqram tərtibatçısının «Chrome» kodlarında aşkar etdiyi yeni funksiya istifadəçilərə parolları bir-biri ilə paylaşmağa imkan verəcək. Gəlin bu təsir edici xüsusiyyətə daha yaxından nəzər salaq.

Parol paylaşımı «Google Chrome»-da saxladığınız parollar üçün təlimatdır. Hesabın istifadəçi adı və şifrəsini başqa istifadəçi ilə yalnız kopyala-yapışdır üsulu ilə paylaşa bilərsiniz. Budur, yəqin ki, «Google Chrome» üçün hazırlanmaqda olan və bunu dəyişəcək yeni funksiya. Artıq istifadəçilər bir kliklə vebsaytın giriş məlumatlarını paylaşa biləcəklər.

Parol paylaşımı yalnız ailə üzvləri ilə məhdudlaşacaq. «Google Chrome» üçün üzərində işlənən funksiya heç bir istifadəçi ilə parol paylaşmağa imkan vermir. Ən azından indilik. Yeni funksiya yalnız «Google»-da yaratdığınız ailə qrupunun üzvlərinə göndəriləcək. Bundan əlavə, bütün parollar bir kliklə paylaşılmayacaq. İstifadəçi yalnız istədiyi internet saytlarının parollarını paylaşacaq. Bunun üçün «Google Chrome»-da parol meneceri bölməsinə daxil olub vebsayt üçün məlumat göründükdən sonra “Paylaş” düyməsini sıxmağınız kifayət edəcək.

Murad Şahməmməd