Narkotik ticarətində yeni dövr: Pilotsuz uçuş aparatları

Qaçaqmalçıların yeni üsulu pilotsuz uçuş aparatları ilə həyata keçirilir. Qaçaqmalçılar məhsullarını sərhədlərdən keçirmək üçün dronlardan istifadə etməyə başlayıblar.

Keçən həftə Hindistanın Pebcap bölgəsindəki sərhəd mühafizəçiləri qaçaqmalçı qruplar tərəfindən istifadə edilən və Pakistan sərhədinə göndərilən 107 narkotik daşıyan İHA ələ keçirdiklərini açıqladılar.

Keçən il Pakistan-Pəncab sərhədində yerləşən Lahor şəhərinin narkotiklərlə mübarizə bölməsinin rəisi, pilotsuz uçuş aparatları vasitəsilə Hindistana narkotik göndərən bir dəstəyə rəhbərlik etdiyinə görə vəzifəsindən azad edilmişdi.

İordaniyanın quru sərhədlərində təhlükəsizlik tədbirləri narkotik ticarətini çətinləşdirir və buna görə də qaçaqmalçılar pilotsuz uçuş aparatlarından yeni üsul kimi istifadə edirlər.

Keçən ilin sentyabr ayında İordaniya Hərbi Hava Qüvvələri Suriyadan narkotik daşıyan iki pilotsuz təyyarəni vurub.

Dünyanın bir çox sərhədində dronlarla həyata keçirilən narkotik ticarəti ABŞ və Meksika sərhədində də müntəzəm olaraq təkrarlanır.

Dünyanın ən yüksək təhlükəsizlik səviyyəsində qorunan həbsxanalarına narkotiklərin daşınması üçün də PUA-lardan istifadə olunur.

Bundan əlavə, ekspertlərin fikrincə, pilotsuz uçan aparatlarının daşıma qabiliyyəti artdıqca, cinayətkar qruplaşmalar daha böyük tutumlu PUA-lara çıxış əldə edəcək və PUA-lardan istifadə adiləşəcək…

Oxuməni.az