Rusiya Xarici Kəşfiyyat Xidmətinin rəhbəri Sergey Narışkin Bakıda səfərdə olub

3 Oktyabr 17:02

Bəyəndim (8) Bəyənmədim (0)

Rusiya Xarici Kəşfiyyat Xidmətinin (SVR) direktoru Sergey Narışkin Bakıda səfərdə olub və Azərbaycan Prezidenti İlham Əliyevlə görüşüb,- Rusiya “SVR” mətbuat bürosundan bildiriblər. “SVR” rəisi respublikanın Dövlət Təhlükəsizliyi Xidməti ilə də danışıqlar aparıb.
2-3 oktyabr 2024-cü il tarixlərində Rusiya Federasiyası Xarici Kəşfiyyat Xidmətinin direktoru Sergey Evgenieviç Narışkin Bakıda rəsmi səfərdə olub və bu səfər zamanı Azərbaycan Respublikasının Prezidenti İlham Əliyevlə görüşüb.
Qeyd olunur ki, respublika rəhbəri ilə danışıqlar zamanı tərəflər beynəlxalq vəziyyətin aktual məsələlərini, eləcə də Xarici Kəşfiyyat Xidmətinin Azərbaycan xüsusi xidmət orqanları ilə cari qarşılıqlı fəaliyyətini müzakirə ediblər. Narışkin həmkarları ilə beynəlxalq terrorizm və dini ekstremizmə qarşı mübarizə məsələləri ətrafında fikir mübadiləsi aparıb.