G20 - ətraf mühitin ən böyük çirkləndiriciləri-Antonio Quterreş

Böyük iyirmilik (G20) atmosfer tullantılarının ən böyük mənbəyidir.

“Trend”-in məlumatına görə, bunu BMT-nin baş katibi Antonio Quterreş Bakıda keçirilən COP29 Dünya Liderlərinin İqlim Dəyişikliyi Sammitinin açılışında deyib.

"Bütün ölkələr töhfə verməlidir. Lakin G20 aparıcı rol oynamalıdır. Onlar ən böyük potensiala və məsuliyyətə malik ən böyük emitentlərdir. Onlar öz texnoloji nou-haularını inkişaf etməkdə olan iqtisadiyyatları dəstəkləyən inkişaf etmiş ölkələrlə birləşdirməlidirlər", - o deyib.

Quterreş qeyd edib ki, hər bir ölkənin iqlim dəyişikliyi ilə mübarizə aparmaq üçün alətləri və resursları olmalıdır.

“Və BMT bu səyləri hər addımda dəstəkləyəcək: biz “İqlim Vədi” təşəbbüsü vasitəsilə inkişaf etməkdə olan ölkələri yeni NDC* -lərlə dəstəkləyirik və enerji keçidi üçün kritik minerallar üzrə ekspertlər panelimiz vasitəsilə bərpa olunan enerji inqilabında bərabərliyə çalışırıq. Son nəticədə yalnız siz milli ambisiyalara və fəaliyyətə əsaslanaraq, zəmanəni 1,5 dərəcə qabaqlaya bilərsiniz”, - deyə nazir əlavə edib.

*Nationally Determined Contribution (NDC), Paris İqlim sazişi (2015) kontekstində istifadə olunan, ölkələrin könüllü olaraq təyin etdikləri və yerinə yetirməyi öhdələrinə götürdükləri istixana qazı emissiyalarını azaltmaq üçün xüsusi hədəfləri ifadə edən bir termindir.