Braziliya AZAL təyyarəsinin qara qutularından məlumatları Qazaxıstana göndərib

Azərbaycan Hava Yollarına (AZAL) məxsus “Embraer 190” təyyarəsinin Aktau yaxınlığında qəzaya uğramasından iki həftə sonra Braziliya Braziliyanın Aviasiya Qəzalarının Araşdırılması və Qarşısının Alınması Mərkəzi (CENIPA) tərəfindən deşifrə edilmiş iki registratorun məlumatlarını Qazaxıstana ötürüb. Braziliya Hərbi Hava Qüvvələri bazar ertəsi, yanvarın 6-da “Bütün məlumatlar Qazaxıstanın istintaq orqanlarına ötürülüb,” - bildirib.
Məlumatların şifrəsinin açılması və ötürülməsi beynəlxalq fəlakətlərin araşdırılması protokollarına uyğun olaraq həyata keçirilib. Onun nəticələri Qazaxıstan tərəfindən təhlil edilərək dərc olunacaq.
Həmin gün Azərbaycan prezidenti İlham Əliyev deyib ki, qəzaya uğrayan təyyarənin qara qutularının Braziliyaya göndərilməsi Bakının obyektiv araşdırma tələb etdiyindən xəbər verir. Bu səbəbdən Azərbaycan keçmiş SSRİ ərazisində baş verən təyyarə qəzalarını araşdıran Dövlətlərarası Aviasiya Komitəsi ilə əməkdaşlıqdan imtina edib.
Təyyarə qəzasında həlak olan ekipajın ailə üzvləri və sağ qalan bələdçilərlə görüşündə İ.Əliyev qəza ilə bağlı araşdırmaların yekunlaşacağına, Bakının faciəyə görə məsuliyyət daşıyanların cəzalandırılmasını tələb edəcəyinə söz verib.
Bundan əvvəl Braziliyanın “Embraer” şirkəti tərəfindən istehsal olunan təyyarənin qara qutuları aviasiya tədqiqatçılarının Braziliadakı laboratoriyasında pilot kabinəsinin səs yazıcısı və uçuş məlumatlarının yazıcısından alınan məlumatların emalı üçün Braziliyaya gətirilib.
Bu prosesi Qazaxıstan, Rusiya və Azərbaycan nümayəndələri müşahidə ediblər. Qazaxıstan təyyarə qəzasını araşdırmaq üçün Qazaxıstan hökumət komissiyasının işinin ilkin nəticələrini 30 gün ərzində elan edəcəyini vəd edir.
Almaz Həsənli