Avstriya Universiteti süni intellekti rəsmi tələbə kimi qəbul edən dünyada ilk Universitet oldu

Vyana İncəsənət Universiteti bildirir ki, süni intellekt (Sİ; ing. artificial intelligence, abr. AI-red.) dərslərdə iştirak edəcək, tənqidi rəylər və digər tələbələrlə eyni əsasda qiymətlər alacaq.
"Flynn" adlı qeyri-binar süni intellekt Vyana Tətbiqi İncəsənət Universitetində rəqəmsal incəsənət proqramına qəbul edilib. Buna nail olmaq üçün “Flynn”, portfolonun təqdim edilməsi, müsahibə və uyğunluq testi daxil olmaqla normal qəbul prosesindən keçib.Bu barədə Oxuməni.az “newsru.co.il”ə istinadla məlumat yayıb.
“Flynn”-in tərtibatçıları deyirlər ki, o, müəllimlər və tələbə yoldaşları ilə qarşılıqlı əlaqə yaratmaq üçün mövcud böyük dil modellərindən istifadə etməklə yaradılıb. Süni intellekt öz alqoritmini öyrətmək üçün məlumat mənbəyi kimi mühazirələrdən və sinifdə qarşılıqlı əlaqədən istifadə edəcək. “Beləliklə, Flynn istifadəçilər, müəllimlər, tələbələr və ünsiyyət quracağı hər kəslə hər yeni qarşılıqlı əlaqə ilə daim təkmilləşir”, “Flynn”-in tərtibatçısı və eyni proqramın tələbəsi Kyara Kristler “Euronews”-a bildirib.
Çevik interfeys sayəsində “Flynn” dərsdə baş verən hər şeyi dinləyə və məlumatları emal edərək onu yenidən geriyə məlumatlar bazasına göndərə bilər. Tərtibatçılar aydınlaşdırdılar ki, süni intellekt yalnız tələb olunduqda danışacaq ki, dərslər zamanı digər tələbələrin diqqətini yayındırmasın. "Məlumdur ki, süni intellekt heç də həmişə sosial siqnalları düzgün tanımır və həmişə nə zaman susmalı olduğunu başa düşmür. Biz əlbəttə ki, onun başqalarını narahat etməsini və söhbətin gedişatını pozmasını istəməzdik", - Kristler əlavə edib.
Tərtibatçıların sözlərinə görə, “Flynn”-in iştirakı ilə kursa rəsmi qeydiyyat 2025-ci ilin payızında başlasa da, onun fərdi dərslərdə iştirakı artıq bu ilin martında başlayıb. Kampusda süni intellektə reaksiyalar şöbədən asılı olaraq dəyişir. Tərtibatçılar ümid edirlər ki, “Flynn” “AI-nin tərəfdarları və əleyhdarları arasındakı fərqləri aradan qaldırmağa” kömək edəcək.
Vyana Tətbiqi İncəsənət Universitetinin rəqəmsal incəsənət departamentinin rəhbəri Liz Haas, "Müxtəlif fikirlərin olduğunu müşahidə etdim. Buna görə də biz qərara gəldik ki, “Flynn” təcrübə qazanmaq və tələbələrlə süni intellekt arasındakı qarşılıqlı əlaqənin necə işlədiyini başa düşmək üçün dərslərdə erkən iştirak etməlidir".
Almaz Həsənli