Netanyahu Britaniya hökumətini İsrailə silah ixracını dayandırdığına görə tənqid edib

19 Sentyabr 07:30

Bəyəndim (0) Bəyənmədim (0)

İsrailin baş naziri Benyamin Netanyahu Britaniyanı Yaxın Şərq ölkəsinə silah satışı lisenziyasını dayandırdığına görə tənqid edib.

Netanyahu qeyd edib ki, Britaniyanın əvvəlki Rishi Sunak hökuməti açıq şəkildə İsraili dəstəkləyib, lakin “Londondakı hazırkı hökumət qarışıq mesajlar göndərir”.

"Onlar deyirlər ki, İsrailin özünü müdafiə etmək hüququ var, lakin onlar bizim bu hüququ həyata keçirmək qabiliyyətimizə zərbə vururlar. Onlar Böyük Britaniyanın BCM prokurorunun absurd ittihamları ilə bağlı mövqeyini dəyişir və İsrailə silah silah satışını əngəlləyirlər”, - Netanyahu bildirib.

Bu ilin may ayında Beynəlxalq Cinayət Məhkəməsinin (ICC) baş prokuroru Kərim Xan demişdi ki, Məhkəmə İsrailin baş naziri Benyamin Netanyahu və Həmas lideri Yəhya Sinvarın həbsinə order verilməsini istəyir. Onlar hərbi cinayətlərdə və insanlığa qarşı cinayətlərdə ittiham olunurlar.

Oxuməni.az