Qırmızı  Meydanda Rusiya Günü münasibətilə keçirilən təntənəli konsert ləğv edilib

Moskvadakı Qırmızı Meydanda hər il 12 iyun Rusiya Günü münasibətilə keçirilən konsert ləğv edilib. Oxuməni.az xəbər verir ki, bu barədə “Msk1” nəşri mənbə göstərmədən məlumat yayıb.
"Meduza" saytı bu gün üçün digər təntənəli tədbirlər arasında Moskva meriyasının saytında konsertin elanını tapa bilməyib. Bununla belə, təntənəli konsertin yayımı "Rusiya 1" telekanalının efirində elan olunub və 12 iyun saat 21:30-da başlamalıdır.
KİV-dəki məlumatlara əsasən, " Rusiya 1" telekanalında göstərilməsi planlaşdırılan konsert 11 iyun tarixində Moskvadakı "TsSKA Arena"da keçiriləcək. Bu, Rusiya Günü münasibətilə təntənəli konsert kimi elan edilmişdi.
Msk1 yazır ki, "Xalqların birliyində - Rusiyanın gücü" adlı Qızıl Meydandakı konsert daha əvvəl müğənni Nadejda Babkinanın komandası tərəfindən elan edilmişdi. Konsertdə Şaman, Larisa Dolina, Aleksandr Buynov və digər musiqiçilərin çıxış etməsi nəzərdə tutulurdu.
Msk1-in məlumatına görə, konsert Prezobrajenskaya meydanındakı "Мossovet" mədəniyyət mərkəzinə köçürülüb.
Qeyd edək ki, “Agentstvo” bildirir ki, Rusiya Gününü qeyd edən bayram tədbirləri 2003-cü ildən bəri ilk dəfə Qırmızı Meydanda keçirilməyəcək.
Almaz Həsənli