Pentaqon Ukraynaya 275 milyon dollar əlavə hərbi yardım göstərəcək

09:34

Bəyəndim (0) Bəyənmədim (0)

Pentaqon ABŞ Ukraynaya 275 milyon dollarlıq hərbi yardım paketi göndərəcəyini açıqlayıb.

Buraya HIMARS reaktiv yaylım atəşi sistemi üçün döyüş sursatları, 155 mm və 105 mm-lik artilleriya mərmiləri, pilotsuz təyyarələr, tank əleyhinə Javelin sistemləri və ehtiyat hissələri daxildir.

Ukrayna həmçinin 60 və 81 mm kalibrli minaatan mərmiləri, tank əleyhinə TOW raketləri, AT-4 sistemləri, mühəndis işləri üçün avadanlıq və kimyəvi, bioloji, radioloji və nüvə təhlükələrindən qoruyucu vasitələr alacaq. Bu, ABŞ prezidenti Co Bayden administrasiyası tərəfindən göndərilən 70-ci hərbi yardım tranşıdır.

Noyabrın 13-də ABŞ-ın dövlət katibi Entoni Blinken bildirib ki, Ağ Ev Ukraynaya yeni seçilmiş prezident Donald Trampın səlahiyyətlərinin icrasına başladıqdan sonra yanvarın 20-nə qədər Konqresin təsdiq etdiyi “hər dollar” vəsaiti çatdırmaq niyyətindədir.

Oxuməni.az