Rusiyanın Ukraynadakı itkiləri ABŞ-ın bütün Tank Korpusuna bərabərdir
Rusiya Ukrayna ilə müharibədə 4000-dən çox tank itirub. Bu, itkilər ABŞ-ın bütün tank korpusuna bərabərdir.
Bunu Avropadakı Müttəfiq Qüvvələrin Ali Baş Komandanı, general Kristofer Kavoli deyib.
"Ruslar 4000-dən çox tank itirib, bu, demək olar ki, ABŞ-ın bütün tank korpusudur. Bu münaqişənin miqyası sadəcə heyranedicidir", - Kavoli ABŞ Senatının komitəsindəki dinləmələr zamanı deyib.
Həmçinin dinləmə zamanı generaldan Vaşinqtonun Kiyevə daha çox hərbi və kəşfiyyat yardımı göstərməkdən imtina etməsinin nəticələri ilə bağlı sual verilib. ABŞ prezidenti Donald Tramp administrasiyası Ukrayna lideri Vladimir Zelenski ilə Ağ Evdə mübahisə etdikdən sonra nə baş verməsi sualına Kavoli belə cavab verdi: "Aydındır ki, bu, onların döyüşmək qabiliyyətinə sürətli və zərərli təsir göstərəcək", - NATO generalı deyib.
O, həmçinin qeyd edib ki, Kiyev qüvvələri raketlərin vurulmasında ABŞ-ın köməyindən, həmçinin Rusiyanın komanda məntəqələrini və logistika sahələrini hədəf almağa kömək edən kəşfiyyat məlumatlarından asılıdır.
Kavolinin sözlərinə görə, Ukrayna və onun qoşunları hazırda çox güclü müdafiə mövqelərindədirlər və hətta mövqelərini yaxşılaşdırırlar. O, Ukraynanın Rusiya ilə müharibədə məğlub olması ehtimalını da rədd edib.
"Müharibə ilə bağlı qaçılmaz heç nə yoxdur. Ukraynalılar hazırda çox güclü müdafiə mövqeyindədirlər və güc yaratmaq və bu mövqeni möhkəmləndirmək qabiliyyətini çox az təkmilləşdirirlər. Hazırda burada oturaraq, Ukraynanın hər kvadrat qarışını düşməndən təmizləyəcək böyük bir Ukrayna hücumunu təsəvvür etmək çətindir. Ancaq Ukraynanın bu münaqişəni itirməyəcəyini düşünmək də çətindir” NATO generalı deyib.
O, həmçinin bildirib ki, Ukrayna Rusiya işğalından müdafiə olunmaq üçün əsgər çatışmazlığı problemini həll edə bilib. Xüsusilə, səfərbərlik yaşının azaldılması buna şərait yaradıb.
Əziz Mustafa, Oxuməni.az
