
Maskın atası deyib ki, o və oğlu Putinə heyrandırlar
.
Milyarder İlon Maskın atası Rusiya prezidenti Vladimir Putini güclü lider hesab etdiyini bildirib. Errol Maskın sözlərinə görə, bütün ailə Rusiya prezidentinə heyrandır.
Biznesmenin atası “BBC”-yə müsahibəsində deyib: "Əgər siz onu kişi kimi qiymətləndirirsinizsə, mən ölkələr arasındakı münasibətlərdən və bənzəri şeylərdən danışmıram, ancaq bir kişi kimi, cənab Putinə heyran olmamaq çox çətindir".
Errol Mask əlavə edib ki, o, Vladimir Putinin çıxışlarını dinləyir. İlon Maskın atasının sözlərinə görə, Rusiya prezidenti həmişə sakitdir və məntiqli şeylər deyir, ona görə də ona heyran olmamaq axmaqlıq olardı. Errol Mask bütün ailəsinin bu fikri bölüşdüyünü vurğulayıb.
Cənab Putin İlon Maskı əsasını qoyduğu layihələrin inkişafı zamanı dayandırılması mümkün olmayan ağıllı insan adlandırıb. Yanvar ayında cənab Mask Prezident Donald Tramp tərəfindən Hökumətin Effektivliyi Departamentinin (DOGE) rəhbəri vəzifəsinə təyin edildi.
Almaz Həsənli