ABŞ Ali Məhkəməsi 350 min venesuelalının deportasiyasını təsdiqləyib

12:50

Bəyəndim (3) Bəyənmədim (0)

ABŞ Ali Məhkəməsi Tramp administrasiyasının 350 minə yaxın venesuelalı miqrantın müdafiəsini ləğv etmək planını təsdiqləyib. Müvafiq sənəd məhkəmənin saytında dərc olunub. Bu barədə “Washington Post” məlumat yayıb.
“Reuters” xəbər verir ki, qərar 2023-cü ildə “Temporary Protected Status” (TPS, Müvəqqəti Qorunan Status) almış 348 202 venesuelalı miqrantı əhatə edəcək. ABŞ Daxili Təhlükəsizlik Departamenti (DHS) daha əvvəl onların statusunu ləğv etmək qərarına gəlmişdi, lakin San-Fransiskodakı federal hakim buna veto qoydu. İndi Ali Məhkəmə hakimiyyətin tərəfinə keçib.
Bundan əvvəl DHS CHNV (Kuba, Haiti, Nikaraqua, Venesuela) proqramı çərçivəsində ABŞ-da qalan Kuba və Haiti, Nikaraqua və Venesueladan olan 500 mindən çox miqrantı deportasiya etmək planlarını açıqlamışdı. O, 2022-ci ilin oktyabrında Co Bayden administrasiyası tərəfindən istifadəyə verilib.

Almaz Həsənli