Suriya prezidenti əl-Şaraa sentyabr ayında ABŞ-a səfər edəcək və BMT-də çıxış edəcək

4 İyun 2025 08:13

Bəyəndim (2) Bəyənmədim (0)

Suriyanın keçid prezidenti Əhməd əl-Şaraa sentyabrda ABŞ-a səfər edəcək, Suriya TV mənbələrə istinadən xəbər verir. Kanalın qeyd etdiyi kimi, bu, Suriya prezidentinin son 60 ildə BMT-dəki ilk çıxışı olacaq.

"Eksklüziv mənbələr Suriya TV-yə bildiriblər ki, Suriya prezidenti Əhməd əl-Şaraa sentyabrda ABŞ-a səfər edəcək və BMT-də iclasda çıxış edəcək", - telekanalın saytında deyilir.

Aprel ayında Suriyanın xarici işlər naziri Əsəd Əl-Şeybani Birləşmiş Millətlər Təşkilatının (BMT) Nyu-Yorkdakı mənzil-qərargahında ölkəsinin yeni bayrağını qaldırıb. O, bu anı “tarixi” adlandırıb. Diplomatın sözlərinə görə, suriyalılar bu addımı 14 ildir gözləyirdilər. Xarici İşlər Nazirliyi rəhbərinin BMT-nin mənzil-qərargahına səfəri Suriyanın yüksək səviyyəli nümayəndə heyətinin 20 ildən artıq müddətdə ilk dəfə Beynəlxalq Valyuta Fondu və Dünya Bankının nümayəndələri ilə görüşlərdə iştirakından sonra baş tutub.

Əziz Mustafa, Oxuməni.az