Kolumbiyalı prezidentliyə potensial namizəd sui-qəsd cəhdindən sonra ağır vəziyyətdədir
Kolumbiya prezidentliyinə potensial namizəd senator Migel Uribe sui-qəsd cəhdindən sonra əməliyyat olunub. Caracol radiosu xəbər verir ki, onun vəziyyəti ağırdır.
Cinayət iyunun 7-də cənab Uribenin Boqotada çıxışı zamanı törədilib. Senator bir neçə metr məsafədən iki dəfə güllə yarası alıb və başından yaralanıb. Sui-qəsd cəhdində şübhəli bilinən şəxs qaçmağa çalışarkən yaxalanıb. Onun 15 yaşlı yeniyetmə olduğu üzə çıxıb.
Hadisə ilə əlaqədar prezident Qustavo Petro Fransaya səfərini ləğv edib və təhlükəsizlik məsələləri ilə bağlı nazirlər kabineti ilə görüş çağırıb. O, istintaqın aparılması və cinayəti törədənlərin müəyyən edilməsi barədə göstəriş verib.
Ötən il cənab Uribe Demokratik Mərkəz partiyasından prezidentliyə namizəd olmağı planlaşdırdığını açıqlamışdı. Seçkilər 2026-cı ilin may ayına təyin edilib. Rəsmi seçki kampaniyası hələ başlamayıb.
Əziz Mustafa, Oxuməni.az
