Əsədin devrilməsindən əvvəl Rusiya Əş-Şaradan hücumları dayandırmağı tələb edərək onları hədələyib
Suriya Prezidenti Əhməd Əş-Şara Əl-Cəzirə sənədli filmində Hayat Təhrir əş-Şamın rəhbərlik etdiyi üsyançılar 2024-cü ilin noyabr ayının sonlarında qərbi Hələbdə nəzarəti ələ keçirdikdən sonra Moskvadan gözlənilməz bir xəbərdarlıq aldıqlarını açıqladı. Onun iddiasına görə, Rusiya üsyançılara irəliləmələrini dayandırmağı və mövqelərini möhkəmləndirməyi tələb edən bir mesaj çatdırıb, əks halda münaqişə kəskin şəkildə alovlana bilər.
Əş-Şaranın sözlərinə görə, məhz o zaman o, Bəşər Əsədin hakimiyyətinin çökdüyünü ilk dəfə anladı.
7 dekabr 2024-cü ildə Homsu ələ keçirdikdən sonra üsyançılar Dəməşqə sürətli hücuma başladılar. Əş-Şaranın sözlərinə görə, əməliyyata başlamaq əmri təxminən saat 1:30-da verilib və onlar 8 dekabr sübh tezdən paytaxta daxil olublar. Əsəd ölkədən qaçıb və daha sonra Rusiyada siyasi sığınacaq alıb.
Əziz MUSTAFA
.jpg)
