Yaponiya 19-20 dekabr tarixlərində Orta Asiya ölkələri ilə sammit keçirməyi planlaşdırır

Nippon xəbər verir ki, Yaponiya hökuməti 19-20 dekabr tarixlərində Tokioda beş Orta Asiya dövləti ilə "C5+1" formatında sammit keçirməyə hazırlaşır.

Nəşrin məlumatına görə, Yaponiya Baş naziri Sanae Takaiçi ilə Mərkəzi Asiya ölkələrinin liderləri arasında ikitərəfli görüşlərin keçirilməsi ehtimalı da nəzərdən keçirilir.

Hakim Liberal Demokrat Partiyasının vitse-prezidenti Taro Aso planları Yaponiya ilə region ölkələri arasında əməkdaşlığı təşviq edən LDP parlament liqasının iclasında açıqlayıb.

“Son altı ay ərzində Rusiya, Çin, ABŞ və digər ölkələr Orta Asiya dövlətləri ilə zirvə görüşləri keçiriblər. Diplomatik baxımdan Yaponiyanın belə bir zirvə görüşünü uğurla keçirməsi vacibdir”, - deyə Aso bildirib.

Yaponiya-Orta Asiya Zirvə görüşünün (C5+) ötən ilin avqust ayında Qazaxıstanda keçirilməsi planlaşdırılırdı, lakin ləğv edildi. O zaman Fumio Kişidanın rəhbərlik etdiyi hökumət Sakit okean sahillərindəki Nankai çökəkliyində baş verə biləcək meqa-zəlzələ ilə bağlı təcili xəbərdarlığa cavab verməyə diqqət yetirirdi.

Orta Asiya-Yaponiya Zirvə görüşünün 2024-cü ilin avqust ayında Qazaxıstanda keçirilməsi planlaşdırılırdı. Lakin tədbir ərəfəsində Yaponiyada güclü zəlzələ təhlükəsi səbəbindən o vaxtkı baş nazir Fumio Kişida səfərini ləğv etdi.

28 noyabrda Özbəkistan Prezident Administrasiyasının rəhbəri Səidə Mirziyoyeva yeni Yaponiya səfiri Kenji Hirata ilə Özbəkistan Prezidentinin Yaponiyaya qarşıdan gələn səfərinə hazırlıqları müzakirə etdiklərini açıqladı.

Əziz Mustafa