Misirin məşhur kurortlarının sahillərində köpəkbalıqları tutulub öldürülür

Məşhur Misir kurortlarının sahillərində köpəkbalıqlarının sayı kəskin şəkildə artıb; yırtıcılar mövsümün açılması ilə turizm bölgələrində peyda olublar, Şot xəbər verir.

Mənbənin məlumatına görə, Hurghada və Şarm əl-Şeyx sahillərində köpəkbalıqları tutulub öldürülür. Dəniz yırtıcıları balıq sürüləri səbəbindən dayaz sularda üzürlər. Ruslar üçün məşhur tətil yeri olan Əl-Quseyrdə köpəkbalığı görülüb.

Yerli məmurlar iki metr uzunluğundakı köpəkbalığı öldürmək üçün çimərlikləri bağlamağa məcbur olublar ki, bu da yırtıcı balıqları tutulduqdan sonra sahildən uzaqlara buraxmağa öyrəşmiş tətilçiləri qəzəbləndirib. Lakin, səlahiyyətlilərin sözlərinə görə, təhlükəli heyvanlar artıq qidalanma sahələrini özləri tərk etmirlər. Onlar hər bir sahil otelinin ixtisaslı xilasedicilərlə təmin edilməsini və motorlu qayıqların hazırlıq vəziyyətində olmasını tələb ediblər.

Bundan əvvəl Qərbi Avstraliyada böyük ağ köpəkbalığı turistin həyatına son qoymuşdu. Zərərçəkən xəstəxanaya yerləşdirilsə də, həkimlər onu xilas edə bilməyiblər.

Əziz Mustafa