ABŞ Senatı Trampın miqrasiya qanun layihəsini blokladı
ABŞ Senatında prezident Donald Trampə qarşı nadir bir addım atıldı - onun partiyadaşları əsas miqrasiya qanun layihəsini blokladılar. Problemin mərkəzində prezidentin tərəfdarları üçün kompensasiya fondu dayanırdı. Bu barədə Oxuməni.az “Deutsche Welle”yə istinadla xəbər verir.
Respublikaçı senatorlar immiqrasiya və gömrük orqanları, həmçinin sərhəd xidməti üçün təxminən 70 milyard dollar əlavə maliyyələşdirmə nəzərdə tutan qanunvericilik paketinin qəbulunu uğursuz etdilər. Nəticədə, Senatın əksəriyyət lideri Con Tun senatorları səsvermə olmadan parlament tətilinə göndərdi - tətil gələn həftənin sonuna qədər davam edəcək.
Mübahisələrin əsas səbəbi, ədliyyə nazirliyinin mayın 18-də elan etdiyi və son anda miqrasiya paketə daxil etdiyi, Trampın tərəfdarları üçün təxminən 1,8 milyard dollarlıq kompensasiya fondu oldu. Bu vəsaitlər əvvəlki prezident Co Bayden administrasiyası dövründə təqib olunduğu iddia edilən şəxslərə nəzərdə tutulub.
Bu fonddan yüzlərlə Donald Tramp tərəfdarı kompensasiya ala bilər. Onlar 6 yanvar 2021-ci ildə Vaşinqtonda Kapitoliyə hücumda təqsirli bilinərək, sonradan Tramp tərəfindən Ağ Evə qayıtdıqdan sonra əfv olunmuşdular. Müxalifətçi demokratlar bu fondu "rüşvət fondu" adlandırdılar, eyni zamanda Ədliyyə Nazirliyinin təşəbbüsü respublikaçıların öz sıralarında da narazılığa səbəb oldu.
Respublikaçı senatorlar, kompensasiya fondunun noyabrda keçiriləcək Konqresə aralıq seçkiləri ərəfəsində seçicilər tərəfindən mənfi qarşılana biləcəyindən qorxurlar. Bir çox vətəndaş İranla müharibə səbəbindən yanacaq və ərzaq qiymətlərinin kəskin artmasından şikayətlənir, baxmayaraq ki, Tramp dəfələrlə bunun onun üçün prioritet olmadığını bildirib.
Almaz Həsənli
