Lukaşenko Ermənistanı AB-ni dəstəkləməməyə çağırıb
Özünü Belarus lideri elan edən Aleksandr Lukaşenko Ermənistanı ölkənin Avropa Birliyinə qoşulmaq ambisiyalarına görə "Ukraynada baş verənləri" təkrarlamamaq barədə xəbərdar edib. BelTA xəbər verir ki, o, bu açıqlamanı Astanada keçirilən Avrasiya İqtisadi Birliyi sammiti zamanı verib.
Xüsusilə, o, Ermənistan xalqına AB ilə Ermənistan, Belarus, Qazaxıstan, Qırğızıstan və Rusiyanı əhatə edən regional iqtisadi inteqrasiya təşkilatı olan Avrasiya İqtisadi Birliyi arasında gələcək inkişaflarını seçərkən "çox diqqətli olmağı" tövsiyə edib.
Lukaşenko Ermənistanın Aİ-yə daxil olması ilə bağlı açıqlamasını 7 iyunda keçirilməsi planlaşdırılan qarşıdan gələn seçkilərlə əlaqələndirib.
"Biz insanlara təzyiq göstərmirik; başa düşürük ki, bu, siyasi oyundur - Ermənistanda seçkilər tezliklə gəlir. Təbii ki, onlar bunu seçkilər naminə edirlər. Lakin Ermənistan rəhbərliyi bunu boş yerə edir. Bu, Avrasiya İqtisadi Birliyi üçün rüsvayçılıqdır və bütün AİB üzvləri yekdilliklə bununla razılaşdılar", - deyə Belarus lideri bildirib.
O, Ermənistan vətəndaşlarını seçimlərini etməkdə "vaxt ayırmağa", "düşünməyə" və "müdrik insanlar" olmağa çağırıb ki, "Ukraynada baş verənləri təkrarlamasınlar".
"Ermənilər çox diqqətli olmalıdırlar, Allah eləməsin, Ukraynada baş verənləri təkrarlamasınlar. Hər şey Ukraynada məhz belə başladı", - deyə Lukaşenko bildirib.
Əziz Mustafa
