Makqreqorun UFC-yə qayıtdıqdan sonra ilk döyüşünün biletləri 240 saniyədə satılıb
AS-ın məlumatına görə, azarkeşlər irlandiyalı qarışıq döyüş sənətçisi (MMA) Konor Makqreqorun Ultimate Fighting Championship (UFC)-yə qayıtdıqdan sonra ilk döyüşünün bütün biletlərini alıblar.
İrlandiyalı 11 iyulda Las-Veqasda UFC 329-da döyüşəcək. Makqreqor amerikalı Maks Hollovey ilə qarşılaşacaq. Bütün biletlər satışa çıxarıldıqdan 240 saniyə sonra satılıb.
Ön sıradakı biletlər 43.000 dollara satılırdı. Stadionun yuxarı mərtəbəsindəki ən ucuz biletlər 600 dollardan başlayırdı. Hazırda biletlər böyük miqdarda skalperlərə satılır, qiymətlər 1500 dollardan başlayır.
Makqreqor 2021-ci ilin yayından bəri döyüşməyib, o vaxt amerikalı Dastin Poirierə texniki nokautla məğlub olub. İrlandiyalı həmin döyüşdə ayağını sındırıb və o vaxtdan bəri yarışmayıb.
Əziz Mustafa
