Axios: Tramp Livana görə Netanyahunu söyüşlə danlayıb

ABŞ prezidenti Donald Tramp, Yaxın Şərqdə atəşkəsi pozduğuna görə İsrailin baş naziri Binyamin Netanyahunu telefon danışığında söyüşlə danlayıb. Oxuməni.az xəbər verir ki, bu barədə bazar ertəsi, “Axios” mənbələrə istinadən məlumat verib. Mənbələrin sözlərinə görə, Tramp, digər şeylərlə yanaşı, İsrail liderini "dəli" adlandırıb.

Zəng zamanı Tramp həmçinin bildirib ki, o, İsrail baş nazirinə korrupsiya işi üzrə həbsdən qaçmasına kömək edib. O, həmçinin qeyd edib ki, Livana zərbələrə görə Netanyahunu "hamı nifrət edir" - və bu, onun ölkəsini daha da beynəlxalq təcridə apara bilər, “Axios” yazır.

İyunun 1-də Netanyahu, İran hakimiyyəti tərəfindən dəstəklənən "Hizbullah" islamçı qruplaşması ilə münaqişənin gərginləşməsini əsas gətirərək, Beyrutun cənub kəndlərinə zərbələr endirməyi əmr edib. Bundan əvvəl Netanyahu, "Hizbullah"ın İsrailin şimal rayonlarına zərbələrindən sonra Livandakı quru əməliyyatını da genişləndirmişdi.

ABŞ administrasiyasına yaxın “Axios” mənbələrinin bildirdiyinə görə, zəng zamanı Ağ Ev rəhbəri Livandakı mülki əhali arasında qurbanların sayından, həmçinin "Hizbullah"ın bir neçə komandirini öldürmək üçün aparılan əməliyyat zamanı yaşayış evlərinin sökülməsindən narahatlığını ifadə edib.

Almaz Həsənli