Ermənistan Mərkəzi Seçki Komissiyası: Paşinyanın partiyası seçkilərdə iderlik edir

Ermənistan Mərkəzi Seçki Komissiyasının məlumatına görə, Baş nazir Nikol Paşinyanın Vətəndaş Müqaviləsi partiyası 742.857 bülleten və ya səslərin 50,31%-i emal edildikdən sonra səslərin 51,03%-ni toplayıb.

İş adamı Samvel Karapetyanın "Güclü Ermənistan" bloku səslərin 23,18%-ni, keçmiş prezident Robert Köçəryanın "Ermənistan" bloku 9,51%-ni, iş adamı Qagik Tsarukyanın "Çiçəklənən Ermənistan" partiyası isə 4,18%-ni toplayıb. Seçici fəallığı 58,97%-dir.

Ermənistanda parlament seçkilərində səsvermə 7 iyun tarixində yerli vaxtla saat 20:00-da (Moskva vaxtı ilə saat 19:00) başa çatıb. Mərkəzi Seçki Komissiyasının məlumatına görə, seçici fəallığı 58,97%-dir. 20 iyun 2021-ci ildə Ermənistanda keçirilən növbədənkənar parlament seçkilərində seçici fəallığı 49,41%-dir. Parlamentə düşmək üçün partiyalar 4%-lik həddi keçməlidir, bloklar isə səslərin 8-10%-ni təmin etməlidir. Seçkilərdə on səkkiz siyasi qüvvə iştirak edib: 16 partiya və iki partiya bloku, o cümlədən Baş nazir Nikol Paşinyanın rəhbərlik etdiyi hakim Vətəndaş Müqaviləsi Partiyası, eləcə də Robert Köçəryanın rəhbərlik etdiyi Ermənistan və Narek Karapetyanın rəhbərlik etdiyi Güclü Ermənistan müxalifət blokları.

Əziz MUSTAFA