Dronlar Novokuybışevsk Neft Emalı Zavoduna yenidən zərbələr endiriblər, yanğın baş verib

Naməlum dronlar Samara vilayətində yerləşən Novokuybışevsk Neft Emalı Zavoduna növbəti dəfə hücum edib. Zavod Rusiyada ən böyük neft emalı zavodlarından biri hesab olunur. Bu barədə Oxuməni.az OSINT kanallarına istinadən məlumat verib.

Sosial mediada yayılan görüntülərə görə, dron hücumundan sonra obyektdə qalın qara tüstü sütunu ilə müşayiət olunan böyük yanğın baş verib. Şahidlər videoda uçan dronun və partlayışların səslərini eşidə bilirlər, ardınca isə zavod ərazisində yanğın baş verib.
Samara vilayətinin qubernatoru hələ hücumu təsdiqləməyib, baxmayaraq ki, bölgədəki ruslar dronların təhlükələri barədə xəbərdarlıq edilib.

Qeyd etmək lazımdır ki, Novokuybışevsk Neft Emalı Zavodu Volqa bölgəsindəki ən böyük neft emalı zavodlarından biridir və Rosneft şirkətlər qrupunun bir hissəsidir. Neft emalı zavodu 1951-ci ildə istifadəyə verilib və hətta o zaman da reaktiv yanacaq, raket və avtomobil sürtkü yağları istehsal edən ilk sovet müəssisələrindən biri olub. Neft emalı zavodunun hazırkı emal gücü ildə 8-9 milyon ton neftdir.

Novokuybışevsk Neft Emalı Zavodu bütün növ nəqliyyat vasitələri, aviasiya yanacağı və dəniz yanacaqları üçün yanacaq; neft komponentləri, bitum, koks və neft-kimya məhsulları istehsal edir.

Xatırladaq ki, Rusiya bu yaxınlarda Ukraynanın dron hücumları səbəbindən cənub bölgələrində yanacaq təchizatı ilə bağlı "müvəqqəti çətinliklər" olduğunu etiraf etdi.

Əziz MUSTAFA