Tramp İran sazişinin imzalanmasını təsdiqləyir

Ağ Ev ABŞ Prezidentinin sazişi imzaladığını göstərən görüntüləri rəsmi sosial media kanallarında yayımladı.
ABŞ Prezidenti Donald Tramp rəsmi olaraq İranla anlaşma memorandumu imzaladığını təsdiqlədi. Bu, Ağ Ev və Fox News kanalının X səhifələrindəki paylaşımı ilə təsdiqlənir.

"Saziş imzalandı", Tramp Fransa Prezidenti Emmanuel Makronla şam yeməyindən sonra Versal Sarayından çıxarkən jurnalistlərə bildirib.

Ağ Evin sözçüsü Fox News-a verdiyi şərhdə imzalanmış sazişin fotoşəklinin sənədi rəsmi olaraq qüvvəyə mindirmək üçün İrana və vasitəçi ölkələrə göndərildiyini bildirib.

Ağ Ev daha sonra Trampın sazişi imzaladığını göstərən görüntüləri Facebook səhifəsində paylaşdı.

Sənəd Versal Sarayında ABŞ Dövlət Katibi Marko Rubio, Fransa Prezidenti Emmanuel Makron və digər yüksək vəzifəli şəxslərin iştirakı ilə imzalanıb.

İmzalanma alqışlarla qarşılanıb.

Xatırladaq ki, media orqanları artıq ABŞ və İranın müharibəyə son qoymaq üçün anlaşma memorandumu imzaladığını bildiriblər. Sənəd artıq qüvvəyə minib.

Əziz Mustafa