Cənubi Koreya prezidenti Trampın KXDR-in nüvə məsələsi ilə məşğul olmaq niyyətini açıqlayıb

Cənubi Koreya prezidenti Li Çje Men, ABŞ-lı həmkarı Donald Trampın KXDR-in nüvə məsələsinə diqqət yetirmək istəyini ifadə etdiyini bildirib. Oxuməni.az xəbər verir ki, bu barədə cümə günü “The Korea Times” məlumat verib.
"Ən çox müzakirə etdiyimiz məsələ KXDR-in nüvə problemi və buna necə yanaşmaq lazım olduğu idi. Prezident Tramp dedi ki, KXDR məsələsinə yenidən diqqət yetirməyin vaxtı çatıb", - deyə Cənubi Koreya lideri bu həftə Fransada keçirilən G7 sammiti çərçivəsində Tramp ilə görüşdən sonra jurnalistlərə bildirib.
ABŞ prezidenti ilə söhbətində Li Çje Men qeyd edib ki, Cənubi Koreyanın KXDR ilə əlaqə kanalları demək olar ki, yoxdur və "ABŞ hazırda KXDR-i dialoqa cəlb edə biləcək yeganə tərəf kimi görünür".
Cənubi Koreya prezidentinin sözlərinə görə, Tramp ilə söhbət zamanı o, "Vaşinqtonun KXDR üçün məqbul təkliflər hazırlaması, eyni zamanda ABŞ Silahlı Qüvvələrinin və təhlükəsizlik üzrə mütəxəssislərin praqmatik yanaşma tərəfdarı olan baxışlarını nəzərə alması" ideyasını irəli sürüb.
Li Çje Men həmçinin Trampa KXDR-in nüvə məsələsinin həllinin tədricən, bir neçə mərhələdə həyata keçirilməli olduğu fikrini ifadə edib.
Almaz Həsənli