.jpg)
Kaliforniyada Dünya Çempionatının fan-zonasında atışma: bir nəfər ölüb
Atışma San-Pedro meydanında, San-Fransisko körfəzi ərazisində azarkeşlərin Dünya Çempionatının oyunlarını böyük açıq ekranlarda izləyə biləcəyi azsaylı yerlərdən birində baş verib.
Oxuməni.az yerli polisin məlumatına istinadən xəbər verir ki, Kaliforniyada futbol üzrə dünya çempionatının fan-zonasının təşkil edildiyi məşhur əyləncə məhəlləsində baş verən atışma nəticəsində ən azı bir nəfər ölüb, daha bir nəfər isə ağır yaralanıb.
Bununla belə, idarə atışma zamanı orada heç bir futbol matçının göstərilmədiyini vurğulayıb.
San-Xose polisinin X-də yayımladığı məlumatda deyilir: "Qurbanlardan biri hadisə yerində dünyasını dəyişib. İkinci qurban həyatı üçün təhlükəli xəsarətlərlə yerli xəstəxanaya çatdırılıb."
İdarə əlavə edib: "Bu hadisə qətl kimi araşdırılır. Ərazidə bir neçə bitişik küçə bağlanıb."
Almaz Həsənli
.jpg)
