Daha bir Avropa ölkəsi Zelenskinin ən yüksək mükafatdan məhrum edilməsini tələb edib

Çexiyanın sağçı populist partiyası Azadlıq və Birbaşa Demokratiya (SPD) hökuməti Polşanın nümunəsini izləməyə və Ukrayna prezidenti Volodimyi Zelenskinin ölkənin ən yüksək mükafatı olan Ağ Aslan ordenindən məhrum edilməsinə çağırıb. České noviny-yə görə, bu barədə SPD fraksiyasının sözçüsü Jindřich Reichl bildirib.

Onun sözlərinə görə, partiya hökumət koalisiyası daxilində Deputatlar Palatasının Çexiya prezidenti Petr Pavelə mükafatın ləğv edilməsini təklif etməsi təşəbbüsünü irəli sürəcək. Buna səbəb Ukrayna Silahlı Qüvvələrinin Xüsusi Əməliyyat Qüvvələrinin Şimal Xüsusi Əməliyyat Mərkəzinə "Ukrayna Üsyançı Ordusunun Qəhrəmanları" fəxri adının verilməsidir.

Reyxl bildirib ki, fraksiya bu məsələni koalisiya şurasında qaldırmaq niyyətindədir.

"Ən yüksək dövlət ordenimiz hərbi hissələrə nasist canavarlarının adını verən bir adam tərəfindən taxıldıqda səssiz qala bilmərik", - deyə o bildirib.

Nəşr qeyd edib ki, SPD-nin təklifi artıq bəzi müxalifət siyasətçiləri tərəfindən tənqid olunub. Xüsusilə, Xristian Demokrat Birliyinin millət vəkili Benjamin Çinçila bildirib ki, "Özünüz üçün Motoristlər" partiyası və ANO hərəkatının nümayəndələrinin onu dəstəkləməmək üçün kifayət qədər sağlam düşüncəsi olacaq.

"Mən bunu həqiqətən qorxaq bir rüsvayçılıq hesab edirəm, bu, SPD-nin iş tərzinə tam uyğundur", - deyə Xristian Demokrat Birliyinin millət vəkili Vatslav Platenik bildirib.

Əziz Mustafa