Merz "Avropa NATO-su"nu hazırlayır və xərcləri ikiqat artırır

Bu gün Ankarada başlayan NATO sammiti ərəfəsində NATO-nun baş katibi Mark Rutte müdafiə xərclərinin 258 milyard dollar artdığını elan etdi. Almaniya 2029-cu ilə qədər hərbi büdcəsini ikiqat artırmağı və ÜDM-in 5 faizinə çatmağı planlaşdırır.

Bu barədə Oxuməni.az Deutsche Welle-yə istinadən məlumat verib.

Kansler Fridrix Merz Berlinin nüfuzunu yaxşılaşdırmağa çalışır. Daha əvvəl Donald Tramp bəzi ölkələrin hərbi büdcələrini "gülünc" adlandırmışdı. Merz artıq ABŞ lideri ilə danışıb və prezidentin köhnəlmiş məlumatlardan istifadə etdiyini izah edib.

Berlin aqressiv xərc artımı hazırlayır. Almaniya 2029-cu ilə qədər ÜDM-in 5%-nə çatmağı planlaşdırır ki, bu da Alyans tərəfindən əvvəllər müəyyən edilmiş cədvəllərdən xeyli irəlidədir.

Almaniyanın 2027-ci il üçün müdafiə büdcəsi 30% artacaq. Məbləğ təxminən 110 milyard avro təşkil edəcək. Merz ölkənin cəmi dörd il ərzində hərbi xərclərini ikiqat artıracağına əminlik verib.

"Bu, müdafiə qabiliyyətlərimizi gücləndirmək üçün indiyə qədər göstərdiyimiz ən böyük səydir. Bu baxımdan heç kimdən çəkinməyə heç bir səbəbimiz yoxdur", - deyə kansler jurnalistlərə bildirib.

Merzin Ankara sammitindəki əsas məqsədi Avropanın Alyans daxilində ən güclü oyunçuya çevrilməli olduğuna dair açıq bir siqnal göndərməkdir. Bu, alyansın transatlantik qalmasına kömək edəcək.

Əziz Mustafa