ABŞ-ın İrana hücumları bir ay davam edə bilər

15:01

Bəyəndim (1) Bəyənmədim (0)

Vaşinqtonda İrana qarşı yeni zərbələr dalğasının bir ay çəkə biləcəyi istisna edilmir. Oxuməni.az xəbər verir ki, bu barədə "Axios" portalı mənbələrə istinadən məlumat yayıb.

Mənbələrin verdiyi məlumata görə, ABŞ-ın İrana zərbələri həm bir neçə gün, həm də bir ay davam edə bilər. Hücumların müddəti və miqyası İran tərəfinin atacağı növbəti addımlardan asılı olacaq. Portalın həmsöhbətlərindən biri qeyd edib ki, ABŞ bu hücumları İran tərəfinin Vaşinqtonun "zarafat etmədiyini" anlaması üçün həyata keçirir.

Xatırladaq ki, iyulun 8-nə keçən gecə ABŞ İrana hücum edib. Tramp atəşkəs rejiminin qüvvədən düşdüyünü elan edib. İran tərəfi buna cavab olaraq Yaxın Şərqdəki Amerika bazalarına hücum edib. Zərbələr mübadiləsi iyulun 9-da da təkrarlanıb.

Almaz Həsənli