Moskva və Moskva bölgəsi kütləvi dron hücumuna məruz qalıb, neft anbarı yanır
20 iyul gecəsi və bu səhər Moskva və Moskva bölgəsi kütləvi dron hücumuna məruz qalıb. Bölgədə artıq bir neçə yanğın hadisəsi aşkar edilib.
Bu barədə Oxuməni.az Rusiya Telegram kanallarına istinadən məlumat yayıb.
Bakı vaxtı ilə saat 03:53-dən etibarən Moskva meri Sergey Sobyanin bölgədə hava hücumundan müdafiə sistemlərinin işlədiyini bildirib. Onun sözlərinə görə, səhər saat 5:05-ə kimi hava hücumundan müdafiə qüvvələri guya 58 dronu vurub.
Səhər saat 4 radələrində OSINT ictimai qrupları ən azı bir yanğını göstərən videolar yayımlamağa başlayıb. İlkin məlumatlara görə, Moskva yaxınlığındakı Podolskdakı neft anbarına dronlar zərbə endirib.
Bir az sonra şəhərdə bir deyil, iki, hətta üç yanğın baş verdiyi barədə məlumat ortaya çıxdı.
OSINT ilkin məlumatlara görə, Podolskda iki Wildberries bazasına və bir neft anbarına hücum edildiyini bildirir.
Əziz MUSTAFA
