Krımda elektrik yarımstansiyaları və istilik elektrik stansiyası yanır

Müvəqqəti işğal altında olan Krımda Kirovski rayonunda Novopokrovka və Vladislavovka kəndləri arasında elektrik yarımstansiyasında yanğın baş verib.

Oxuməni.az-ın yaydığı məlumata görə, bu barədə 24 iyulda Telegram kanalının monitorinq qrupu peyk görüntülərinə istinadən xəbər verib.
Krımın Kirovski rayonunda g elektrik yarımstansiyası yanır. Hesabatda bildirilir ki, Novopokrovka və Vladislavovka kəndləri arasında 110/35/6-10 kV-luq NS-16 yarımstansiyasında yanğın aşkar edilib.

Qeyd olunur ki, ərazidəki yaşayış məntəqələrindən əlavə, yarımstansiya Feodosiya su anbarının yaxınlığındakı nasos stansiyasına da enerji verir.

Sudakdakı elektrik yarımstansiyasına da ziyan dəydiyi ehtimal olunur. Şəhərin hər yerində elektrik kəsilib, əksər rayonlarda su da kəsilib.

Bundan əlavə, Simferopoldakı Dövlət Rayon Elektrik Stansiyasının yaxınlığında da zərbələr qeydə alınıb.

Xatırladaq ki, iyulun 22-də Yaltada yanğın baş verib və şəhərin bir hissəsində elektrik kəsintilərinə səbəb olub.

Bu gün səhər də işğal altındakı Simferopolda da partlayışlar baş verib. Belə ehtimal edilir ki, dronlar Krımdakı Wildberries anbarına hücum edib.

Əziz MUSTAFA