ABŞ Senatı Cey Kleytonu Milli Kəşfiyyatın rəhbəri vəzifəsinə təsdiqləyib

ABŞ Konqresinin Senatı Nyu-Yorkun Cənub Dairəsinin prokuroru Cey Kleytonun Milli Kəşfiyyatın direktoru vəzifəsinə təyinatını təsdiqləyib. İyulun 28-də, keçirilən səsvermə zamanı onun namizədliyini 51 senator dəstəkləyib, 47 senator, o cümlədən bütün Demokratlar Partiyasının nümayəndələri isə əleyhinə səs verib.

Oxuməni.az xəbər verir ki, səsvermənin yayımını C-SPAN telekanalı həyata keçirib.

Milli kəşfiyyatın əvvəlki direktoru Tulsi Qabbard may ayında istefa verib.

Kleyton 11 iyul 1966-cı ildə Virciniya ştatının Nyuport-Nyus şəhərində anadan olub. 1988-ci ildə Pensilvaniya Universitetini mühəndis ixtisası üzrə, 1990-cı ildə Kembric Universitetini (iqtisadiyyat sahəsində), 1993-cü ildə isə Pensilvaniya Universitetinin hüquq fakültəsini bitirib.

1993-1995-ci illərdə Kleyton ABŞ-ın Pensilvaniya ştatının Şərq Dairəsi üzrə Dairə Məhkəməsində hakim köməkçisi işləyib, 1995-2017-ci illərdə isə ABŞ-ın iri hüquq firması olan "Sullivan & Cromwell"-də çalışıb.

2017-ci ildə ABŞ prezidenti Donald Tramp Kleytonun namizədliyini ABŞ-ın Qiymətli Kağızlar və Birjalar Komissiyasının sədri vəzifəsinə irəli sürüb. O, bu vəzifəni 2017-2020-ci illərdə icra edib. İstefa verdikdən sonra "Sullivan & Cromwell"-ə qayıdıb, həmçinin bir sıra digər şirkətlərdə vəzifələr tutub; xüsusilə, 2022-ci ildə "American Express"-in direktorlar şurasına daxil olub.

2025-ci ildən Kleyton ABŞ-ın Nyu-Yorkun Cənub Dairəsi üzrə prokuroru vəzifəsində çalışıb.

Almaz Həsənli