ABŞ, Rusiyadan olan şirkətlər də daxil olmaqla, beş şirkətə sanksiya tətbiq edib
ABŞ, İranın Mahan Air aviaşirkəti ilə əlaqəli olduğu iddia edilən bir Rusiya şirkətinə və digər dörd quruma sanksiya tətbiq edib. Oxuməni.az xəbər verir ki, bu bildiriş ABŞ Maliyyə Nazirliyinin Xarici Aktivlərə Nəzarət İdarəsinin veb saytında yerləşdirilib.
Bu məlumatlar göstərir ki, sanksiyalar Moskvada yerləşən Air Cargo Pro nəqliyyat şirkətinə, eləcə də İran, Çin və Hindistandan olan dörd şirkətə şamil olunur. ABŞ həmçinin Çin Xalq Respublikasının bir vətəndaşına sanksiya tətbiq edib. ABŞ Maliyyə Nazirliyinin mətbuat xidməti tərəfindən yayımlanan açıqlamada iddia edilir ki, sanksiyaların hədəfində olan şəxslər ABŞ-ın sanksiya siyahısında olan İran aviaşirkəti Mahan Air ilə əməkdaşlıq ediblər. Sanksiyalar siyahısına daxil edilmək ABŞ-dakı aktivlərin dondurulmasını və Amerika vətəndaşlarının və şirkətlərinin adı çəkilən şəxslərlə iş görməsinin qadağan edilməsini nəzərdə tutur.
Əziz Mustafa
.jpg)
