ABŞ-ın Ukraynaya silah tədarükü 2026-cı ildə beş dəfə azaldılıb

2026-cı ilin əvvəlində ABŞ-ın Ukraynaya silah tədarükünün həcmi Co Bayden administrasiyası dövründəkindən təxminən beş dəfə az olub. Oxuməni.az xəbər verir ki, bu barədə ABŞ Konqresinin hesabatında deyilir.

Hesabata görə, 2022-ci ilin martından 2024-cü ilin dekabrına qədər Vaşinqton Kiyevə təxminən 43,4 milyard dollar dəyərində hərbi yardım göstərib. Bunun 32,25 milyard dolları Pentaqonun ehtiyatından silah və avadanlıq, daha 11,15 milyard dolları isə USAI proqramı çərçivəsində müdafiə müəssisələrinin maliyyələşdirilməsi üçün olub.

Əvvəlki administrasiyanın 34 ayı ərzində orta hesabla hərbi yardımın dəyəri ayda təxminən 1,28 milyard dollar təşkil edib.

Rusiya Ukraynaya silah tədarükünə qarşıdır və dəfələrlə bunun nizamlanmaya mane olduğunu və NATO ölkələrini birbaşa münaqişəyə cəlb etdiyini bildirib. Xarici işlər naziri Sergey Lavrov qeyd edib ki, istənilən hərbi təchizat Rusiya Silahlı Qüvvələri üçün qanuni hədəf olacaq.

Pentaqon rəhbəri daha əvvəl Ukraynaya hava hücumundan müdafiə sistemlərinin tədarükü ilə bağlı suala birbaşa cavab verməkdən yayınmışdı.

Əziz Mustafa