Dronlar Kotovsk şəhərindəki Wildberries logistika mərkəzinə yenidən zərbələr endiriblər, yanğın başlayıb

Dronlar Rusiyanın Tambov vilayətinin Kotovsk şəhərindəki Wildberries logistika mərkəzinə yenidən hücum ediblər. Yerli sakinlər 40 dəqiqə ərzində ən azı 10 partlayış eşitdiklərini, daha sonra isə yanğın baş verdiyini bildiriblər. Oxuməni.az xəbər verir ki, bu barədə Exilenova+ Telegram kanalı məlumat yayıb.

Gecə yarısı monitorinq kanalları dronların hücumu və yanğın barədə məlumat verib, Tambov hava limanında isə məhdudiyyətlər tətbiq edilib. Kotovskdakı hücumdan sonra Wildberries mərkəzindəki əməliyyatlar müvəqqəti olaraq dayandırılıb. Rusiyalı xilasedicilər hazırda təxminən 108.000 kvadrat metr sahəni əhatə edən logistika mərkəzindəki yanğınla mübarizə aparırlar.

Kotovskdakı Wildberries mərkəzi DB-nin Mərkəzi Rusiyadakı əsas logistika obyektlərindən biridir. O, 2025-ci ildə fəaliyyətə başlayıb. Obyektin tam fəaliyyətə başladıqdan sonra 54 milyon vahidə qədər mal saxlaya biləcəyi gözlənilirdi.

Xatırladaq ki, 18 iyulda Tambov vilayətinin Kotovsk şəhərindəki Wildberries bazar anbarında bir sıra partlayışlardan sonra yanğın baş verib. Ümumiyyətlə isə Ukrayna Silahlı Qüvvələri Wildberries-in ən böyük yeddi mərkəzini sıradan çıxarıb.

Əziz MUSTAFA