ABŞ prokurorluğu rusiyalı Nikulini 12 il həbs cəzasına məhkum etməyi tövsiyə edir

Kaliforniya ştatının şimal rayon Prokurorluğu federal məhkəməyə əvvəllər kibercinayətkarlıqda günahkar sayılmış rusiyalı Yevgeni Nikulinin 12 il müddətinə azadlıqdan məhrum edilməsini tövsiyə edib.

Oxuməni.az-ın TASS-a istinadən verdiyi xəbərə görə, bunu məhkəmənin elektron bazasına çərşənbə günü daxil olmuş sənədlər sübut edir.

Prokurorluğun vəsatətində vurğulanır ki, göstərilən cinayətlərə görə tövsiyə olunan cəza "145 ay müddətində həbs"dir. ABŞ hakimiyyəti hesab edir ki, Rusiya vətəndaşı guya bir sıra Amerika şirkətlərinə vurduğu zərərin əvəzini ödəməlidir.

Nikulinin vəkilləri də öz tövsiyələrini məhkəməyə təqdim edib. Vəkillər hesab edirlər ki, rusiyalıya artıq həbsdə olduğu qədər həbs cəzası kəsilməlidir. Bu, hökmü elan etdikdən sonra dərhal nikulinin azad olunması deməkdir. Vəkillər Nikulinin Rusiyaya deportasiya ediləcəyini qeyd ediblər.

Ərizəyə Nikulinin yaxınlarının məktubları əlavə olunur, onlar onun qaytarılmasını çox gözlədiklərini vurğuladılar. Məhkəməyə göndərilən materiallar arasında Rusiya Federasiyasının diplomatlarının ABŞ hakimiyyətinə müraciətlərinin surətləri də var.

Oxuməni.az