“Samsung Display” Rusiyadan qızıl, volfram və tantal almaqdan imtina etdi

“Samsung”un törəmə şirkəti olan “Samsung Display” 2024-cü ildə Rusiya qızılını, volframı və tantalını almamaq qərarına gəlib. Bu barədə “Kommersant” qəzeti mayın 27-də şirkətin maliyyə hesabatlarına istinadən xəbər verir.
Nəşrin qeyd etdiyi kimi, 2022 və 2023-cü illər üçün bu metalların tədarükü ilə bağlı məlumatlar gizlədilir və 2021-ci ildə şirkət Rusiyanın 11 müəssisəsindən qızıl, volfram və tantal alıb. Onlardan biri, Solikamsk Maqnezium Zavodu heç vaxt tantalı birbaşa “Samsung Display”-ə vermədiyini söyləyib və bunun vasitəçilər tərəfindən edildiyini irəli sürüb.
Məlumatların saxlanması sistemlərinin Rusiya tərtibatçıları konsorsiumunun direktoru Oleq İzumrudov “Samsung”un Rusiya xammalı almağa davam etməsini bildirib, lakin vasitəçilər vasitəsilə. Onun fikrincə, uzun tədarük zəncirlərinə görə cihazların qiyməti 2-5% artacaq.
“Kommersant”ın elektronika istehsalçıları arasında olan mənbəsi “Samsung”-un Rusiya metallarından imtina edərək Asiyadan xammal tədarükçülərinə keçdiyini bildirib.
“Samsung” və “Samsung Display” nəşrin şərh tələbinə cavab verməyiblər.
“Samsung Display” “Samsung Semiconductor”-un bir hissəsidir və “Samsung”-un törəmə şirkətidir, televizorlar, telefonlar və noutbuklar üçün displeylər istehsal edir. Şirkətin displeyləri “Apple” ayfonlarında da istifadə olunur.
2022-ci ildə “Apple” Rusiya müəssisələrindən volfram, tantal və qızıldan istifadəni dayandıran ilk xarici elektronika istehsalçısı oldu.

Almaz Həsənli