Serbiyanın NIS ABŞ-dan beşinci dəfə sanksiyaları təxirə salmağı xahiş edib

Serbiyanın NIS şirkəti ABŞ Xəzinədarlığından beşinci dəfə - bu dəfə iyulun 29-dan sonra sanksiyaların təxirə salınmasını xahiş edib, şirkətin bəyanatında deyilir.

Serbiya daha əvvəl ABŞ-dan NIS-ə qarşı sanksiyaların dörd təxirə salınması almışdı, sonuncu dəfə sanksiyalar iyulun 29-na qədər təxirə salınmışdı.

Xəbər verdiyimiz kimi, yanvarın 10-da ABŞ Rusiyanın iki neft şirkətinə – “Qazprom Neft” və “Surqutnefteqaz”a, eləcə də onların törəmə şirkətlərinə qarşı sanksiyalar tətbiq edib. “Qazprom Neft”in Serbiyadakı törəmə şirkəti NIS də SDN Siyahısına daxil edilib. Bundan sonra ABŞ NIS-ə qarşı sanksiyaların tətbiqini təxirə saldı.

Fevralın sonunda “Qazprom Neft” NIS səhmlərinin 5,15%-ni “Qazprom”a keçirib. İndi Qazprom Neft NIS səhmlərinin 44,85%-nə, Qazprom isə 11,3%-nə sahibdir. NIS səhmlərinin daha 29,87%-i Serbiyaya, qalan hissəsi isə minoritar səhmdarlara məxsusdur.

Serbiya prezidenti Aleksandar Vucic bildirib ki, ABŞ Rusiya kapitalının NIS-dən tamamilə çıxarılmasını tələb edir. Eyni zamanda, o xatırladıb ki, Serbiya hökuməti 2008-ci ildə NİS-ə nəzarəti Rusiyanın “Qazprom Neft” şirkətinə satıb və ötən illər ərzində Rusiya şirkəti və NIS Serbiya büdcəsinə əhəmiyyətli gəlirlərin daxil olmasına, eləcə də bir çox layihələrin inkişafına töhfə verib.

Əziz Mustafa