Android 17 “ağır” tətbiqləri məhv etməyə başlayacaq

Android 17-də "ağır" tətbiqləri söndürəcək funksiya peyda olacaq. Oxuməni.az xəbər verir ki, bu barədə “Neowin” nəşri məlumat yayıb.
Google korporasiyası Android 17-nin son beta versiyasını təqdim edib - bu, əməliyyat sisteminin (OS) ictimaiyyətə çıxmazdan əvvəlki son versiyasıdır. Neowin mütəxəssisləri OS-ni araşdırarkən, digər funksiyalarla yanaşı, smartfonun resurslarını həddindən artıq istifadə edən tətbiqləri faktiki olaraq "öldürəcək" bir funksiya tapıblar.
Hesabatdan məlum olur ki, Android 17 hansı tətbiqə nə qədər resurs lazım olduğunu özü müəyyən edəcək. Əvvəllər bu limitləri proqram tərtibatçıları müəyyən edirdi və onları demək olar ki, heç nə məhdudlaşdırmırdı. Əgər OS müəyyən bir tətbiqin prosessoru və cihazın yaddaşını həddindən artıq yüklədiyini qeyd edərsə, Android onu söndürəcək. İstifadəçi "ağır" proqramı yenidən işə sala biləcək, lakin tətbiq yenidən limiti aşarsa, o, yenidən söndürüləcək.
Həmçinin, OS-də tətbiqlərin adi və qatlana bilən cihazlarda, eləcə də planşet ekranlarında düzgün açılmasını təmin edən bir qayda tətbiq edilib. Neowin mütəxəssislərinin fikrincə, bu, tərtibatçıları qeyri-adi ölçülü displeylərə malik smartfon istifadəçilərini nəzərə almamağa məcbur edəcək.
Almaz Həsənli