Şell Kanadanın ARC Resources şirkətini 16,4 milyard dollara satın almağa hazırlaşır

Dünyaca məşhur neft nəhəngi Şell Kanadanın ARC Resources şirkətini 16,4 milyard dollar dəyərində bir müqavilə ilə satın almaq qərarına gəldi. Şirkət, şist qazı istehsalını və ehtiyatlarını artırmaq niyyətindədir və müqavilənin 2027-ci ildən etibarən pul vəsaitlərinin axınına əhəmiyyətli töhfə verməyə başlayacağını gözləyir.
Neft nəhəngi Şell borcları da daxil olmaqla, Kanadanın ARC Resources şirkətini 16,4 milyard dollar dəyərində bir müqavilə ilə satın almaq qərarına gəldi. Bu addım, şirkətin Şimali Amerikada şist qazına investisiyalarını genişləndirmək strategiyasının bir hissəsidir.
Bu əməliyyatla Şell Kanadanın Montney Hövzəsində aşağı qiymətli şist qazı və maye yanacaq portfelini genişləndirməyi planlaşdırır. Region yüksək səmərəliliyi və xərc üstünlükləri sayəsində qlobal enerji şirkətlərinin diqqətini cəlb edir.
Əməliyyatın bir hissəsi olaraq, Şell ARC Resources səhmdarlarına 8.20 Kanada dolları nağd pul və hər səhm üçün 0.40247 səhmi təklif edəcək.
Satınalma, Şell -in portfelinə gündə təxminən 370.000 barel neft ekvivalenti (BOED) və 2 milyard barel ehtiyat əlavə edəcək. Şirkət əməliyyatdan iki rəqəmli gəlir gözləyir.

Şell satınalmadan səhm başına sərbəst pul axınının 2027-ci ildən etibarən artacağını gözlədiyini bildirdi.

Əziz MUSTAFA