Nvidia-nın rüblük gəliri rekord səviyyəyə, 81,6 milyard dollara yüksəlib

2026-cı maliyyə ilinin birinci rübünün yekunlarına əsasən, dünyanın ən bahalı şirkəti olan Nvidia-nın gəliri 81,6 milyard dollar təşkil edib ki, bu da ötən ilin eyni dövrü ilə müqayisədə 85% artım deməkdir. Bu, Nvidia üçün mütləq rekorddur. Oxuməni.az xəbər verir ki, bu Nvidia şirkətinin rəsmi saytında dərc edilən hesabatın nəticələrindən irəli gəlir.
Şirkətin gəlirlərinin əsas hərəkətverici qüvvəsi Nvidia Data Center bölməsinin aktiv satışları olub. Bu bölmənin gəlirləri rübdə 92% artaraq 75,2 milyard dollara çatıb. Rüblük xalis mənfəət 211% artaraq 58,3 milyard dollar təşkil edib. Hesabat dövründə şirkət səhmlərin geri alınması və dividendlər vasitəsilə səhmdarlara təxminən 20 milyard dollar qaytarıb. Bu göstəriciləri nəzərə alaraq, Nvidia rəhbərliyi rüblük dividendləri səhm başına 0,25 dollara qədər artırıb.
Şirkət cari rübdə də göstəricilərin artımının davam edəcəyini gözləyir. Proqnozlarına görə, gəlir 91 milyard dollara çatacaq. Nvidia həmçinin proqnozlaşdırır ki, qabaqcıl nəsil Blackwell və Rubin çiplərindən gələn gəlir 2027-ci ilə qədər 1 trilyon dollara çatacaq.
Hesabatın dərc edilməsindən sonra Nvidia-nın səhmləri NASDAQ birjasında 1,3% bahalaşıb. Son altı ayda isə onlar təxminən 25% artım göstəriblər.
Almaz Həsənli