Aİ iqtisadi azalma proqnozlarını açıqlayıb

Aİ iqtisadi azalma proqnozlarını açıqlayıb

7 İyul 2020 15:41
Bəyəndim (0) Bəyənmədim (0)

Avropa İttifaqı (Aİ) Komissiyası koronavirus pandemiyasının təsiri ilə bu il bölgə iqtisadiyyatının 8,3% kiçiləcəyini, gələn il isə 5,8% böyüyəcəyini proqnozlaşdırır.

Oxuməni.az xəbər verir ki, bu barədə Komissiyanın "2020 Yay İqtisadi Proqnozları" adlı hesabatında bildirilir.

Sənədə əsasən, bu il Aİ ölkələri arasında Almaniyada 6,3%, Fransada 10,6%, İtaliyada 11,2%, İspaniyada isə 10,9% iqtisadi azalma gözlənilir.

Bundan başqa, hesabatda deyilir ki, bu il Aİ-də illik inflyasiya 0,6%, avrozonada isə 0,3% təşkil edəcək.

“Pandemiya Avropa iqtisadiyyatına gözləniləndən daha ağır təsir etdi. Proses hələ də qeyri-müəyyənliklərlə doludur və risklər davam edir”, - Aİ-nin İqtisadiyyat üzrə komissarı Paolo Gentiloni bildirib.

Oxuməni.az