Misir mumiyalarının sirri ortaya çıxdı

17 Avqust 2018 11:08

Bəyəndim (0) Bəyənmədim (0)

Antik Misir dövründən qalma bir mumiyanın üzərində aparılan tədqiqatlar mumiyalama üçün istifadə edilən balzamın tərkibini ortaya çıxarıb.

Eramızdan əvvəl 3500 – 3700-cü illər arasında mumyalandığı ortaya çıxan cəsəd, mumiyalamanın təxmin ediləndən daha əvvəl inkişaf etdirildiyini və daha geniş şəkildə istifadə edildiyini göstərib.

İtaliyanın Turin şəhərində tapılan mumiya üzərində aparılan araşdırmanın nəticələrinə görə, mumiyalamada istifadə edilən mayenin nədən ibarət olduğu ortaya çıxıb.

Tədqiqatda iştirak edən elm adamları bu mayeyə aid balzamı araşdırıblar. Nəticədə mumiyalamada istifadə olunan balzamın bitki yağı və küncütdən hazırlandığı öyrənilib.

Tədqiqatçılar mumiyalama prosesini bu qədər mükəmməl bir şəkildə göstərən başqa bir mumiyanın olmadığını bildiriblər. (moderator.az)