Rusiyalı oliqarxlar müharibədən 2,5 milyard dollardan çox gəlir əldə ediblər

Müharibədən əvvəl Forbes-in ən zəngin ruslar siyahısında yer alan 200 nəfərdən ən azı 81-i Ukraynaya qarşı müharibədə istifadə olunan silahların istehsalı da daxil olmaqla müdafiə müqavilələrindən milyardlar qazanıb.

Oxuməni.az xəbər verir ki, bu barədə Rusiyanın “Project” internet nəşrinin hazırladığı “Döyüş itləri” filmində deyilir.

Siyahıya sahibi Aleksey Mordaşov, Vladimir Potanin, Gennadi Timçenko, Əlişir Usmanov, Roman Abramoviç, Leonid Fedun, Arkadi Voloj və başqaları daxildir.

İstintaqın göstərdiyi kimi, bu iş adamlarının müəssisələrinin 2014-cü ildən bəri Rusiya Müdafiə Nazirliyindən aldıqları açıq müqavilələrin ümumi məbləği azı 220 milyard rubl (2,5 milyard dollar) təşkil edir.

İstintaqda qeyd olunduğu kimi, 2017-ci ildən sonra Müdafiə Nazirliyi və hərbi zavodlar müqavilələri kütləvi şəkildə təsnifləşdirməyə başladığı üçün müstəntiqlərin araşdırdığı müqavilələrin əksəriyyəti 2014-2018-ci illərə aiddir və müharibədən bəhrələnən iş adamlarının real sayı, və ondan qazanılan pulun miqdarı daha çox ola bilər.

Əziz Mustafa
​