Məşhur ukraynalı oliqarx İqor Kolomoyski vətəndaşlıqdan məhrum edilib

Kipr hakimiyyəti ukraynalı oliqarx İqor Kolomoyski də daxil olmaqla 8 nəfərin vətəndaşlığını ləğv edib. Qərar iş adamının şübhəli imici və ada dövləti üçün reputasiya riskləri səbəbindən qəbul edilib.

Bu barədə Philenews nəşri məlumat yayıb.

Nəşr qeyd edir ki, Kolomoyski Kipr vətəndaşlığını “fırıldaqçılıq, yolu ilə” alıb və bu faktlar təsdiqlənib.

Kiprin investisiya pasportlarına nəzarət üzrə ümumi siyasətinin tərkib hissəsi olan müvafiq qərar sentyabrın 4-də qəbul edilib, lakin bu barədə məlumat dünən mediada yer alıb.

Kipr hakimiyyətinin qərarında deyilir ki, Kolomoyski “şübhəli xarakterli şəxs olub və eyni zamanda o Kipr üçün böyük pis reputasiya riski yaradır”.

“Philenews”un məlumatına görə, pasportun müsadirə edilməsində əsas rolu biznesmenin 2008-ci ildə istintaqda Rusiya Federasiyasında vergidən yayınma işi ilə bağlı eksklüziv naturalizasiya ərizəsində heç nə qeyd etməməsi oynayıb.

Kipr nəşrinin materialında həmçinin deyilir ki, Kolomoyskinin 2010-cu ildə CEP vasitəsilə aldığı Kipr vətəndaşlığından əlavə, İsrail və Ukrayna vətəndaşlığı da var.

Xatırladaq ki, Kolomoyski 2023-cü ilin sentyabrından Ukraynada dələduzluq və çirkli pulların yuyulmasında şübhəli bilinərək həbsdədir. Bundan əvvəl Ukrayna prezidenti Vladimir Zelenskinin İqor Kolomoyskini 2022-ci ildə vətəndaşlıqdan məhrum etdiyi barədə məlumat yayılmışdı.

2021-ci ildə ABŞ Kolomoyskiyə qarşı sanksiyalar tətbiq etdi. ABŞ Dövlət Departamenti bunun səbəbini onun 2014-2015-ci illərdə Dnepropetrovsk Regional Dövlət Administrasiyasının rəhbəri olduğu zaman “ciddi korrupsiya”ya uğraması ilə əlaqələndirib.

Oxuməni.az