Baltik dənizində Finlandiyanı Almaniya, İsveçi isə Litva ilə birləşdirən iki sualtı kabel zədələnib

19 Noyabr 09:35

Bəyəndim (0) Bəyənmədim (0)

Baltik dənizində son iki gündə iki fiber optik sualtı kabel kəsilib: biri Litva ilə İsveç, digəri Finlandiya və Almaniya arasında. BBC xəbər verir ki, bu hadisələrin təsirinə məruz qalan ölkələr təxribatdan şübhələnirlər.

Bazar ertəsi Finlandiya və Almaniyanın Xarici İşlər Nazirlikləri Helsinki ilə Almaniyanın Rostok şəhəri arasındakı kabelə dəyən ziyanla bağlı birgə bəyanat yayıblar.

Bəyanatda deyilir: “Avropamızın təhlükəsizliyi təkcə Rusiyanın Ukraynaya qarşı hərbi təcavüzü ilə deyil, həm də bədxahların hibrid hərbi hərəkətləri ilə təhdid edilir”.

Bazar günü yerli vaxtla saat 10 radələrində Litva ilə İsveçin Qotland adası arasında 218 km uzunluğunda fiber-optik sualtı kabellə əlaqə kəsilib.

Telia telekommunikasiya şirkətinin Litva filialının nümayəndəsi Andrius Semeskevicius bazar ertəsi jurnalistlərə bildirib ki, rabitə kəsildikdən dərhal sonra mütəxəssislər araşdırma aparıb və kabelin zədələndiyini müəyyən ediblər.

Oxuməni.az