Cənub-Şərqi Asiyada daşqınlar nəticəsində ölənlərin sayı 800-ü keçib

12:34

Bəyəndim (1) Bəyənmədim (0)

AFP və Reuters agentliklərinin məlumatına görə, İndoneziya, Malayziya, Tayland və Şri-Lankada daşqınlar artıq 800-dən çox insanın həyatına son qoyub. Bu barədə Reuters məlumat yayıb.

Regionda daşqınlar güclü musson yağışları və tropik fırtına səbəbindən başlayıb. Rəsmilərin məlumatına görə, İndoneziyada ən azı 442, Şri-Lankada 212, Taylandda 170 və Malayziyada üç nəfər ölüb. Yüzlərlə insan hələ də itkin düşüb.

Regiondakı xilasetmə xidmətləri hələ də daşqın nəticəsində kəsilmiş bir çox əraziyə çatmaqda çətinlik çəkir. Rəsmilər fəlakətin Taylandın cənubunda təxminən 3 milyon, İndoneziyanın qərbində 1,1 milyon və Şri-Lankada 500 mindən çox insana təsir etdiyini bildirirlər.

Əziz MUSTAFA