Kreml Ukrayna sülh planının Cenevrə versiyasını alıb

Cenevrə danışıqlarından sonra Ukrayna planının əsas parametrləri Kremlə təhvil verilib. Oxuməni.az-ın "Kommersant"a istinadən verdiyi xəbərə görə, bu barədə Rusiya prezidentinin mətbuat katibi Dmitri Peskov məlumat verib. O bildirib ki, parametrlər gələn həftə Moskvada müzakirə olunacaq.
Bundan əvvəl Rusiya prezidenti Vladimir Putin ABŞ prezidentinin elçisi Stiv Vitkoffun gələn həftə Moskvaya səfər edəcəyi haqda məlumatı təkzib edib. Səfərin tarixi hələlik məlum deyil. Bir gün əvvəl ABŞ prezidenti münaqişənin hər iki tərəfi ilə danışıqlarda irəliləyiş olduğunu açıqlayıb.
27 oktyabrda Ukrayna prezidenti Vladimir Zelenski bu həftə Ukrayna komandasının Amerika nümayəndələri ilə birlikdə Cenevrədə əldə edilən məqamları "sülh və təhlükəsizlik zəmanətlərinə gətirib çıxaracaq formaya gətirməyə" davam edəcəyini açıqlayıb. O, həmçinin gələn həftə üçün "vacib danışıqlar" elan edib. Prezidentin sözlərinə görə, onlarda təkcə nümayəndə heyəti deyil, həm də özü iştirak edəcək.
Almaz Həsənli