Paşinyan Japarovla görüşdəki dilxorçuluqdan sonra dövlət protokolunun rəhbərini işdən çıxarıb

Ermənistanın baş naziri Nikol Paşinyan Qagik Vanoyanı Dövlət Protokolu Xidmətinin rəisi vəzifəsindən azad edib. Oxuməni.az xəbər verir ki, müvafiq qərar Ermənistan hökumətinin saytında dərc olunub.

İstefa oktyabrın 17-də İrəvanda Qırğızıstan Prezidenti Sadır Japarovla danışıqlardan sonra baş tutub. Mətbuat üçün açıqlama zamanı Ermənistan hökumətinin başçısı hazırlanmış mətni oxuyarkən həmkarının vəzifəsini səhv adlandırıb.

İnsident oktyabrın 17-də Qırğızıstan Prezidenti Sadır Japarov COP 17 iqlim konfransında iştirak etmək üçün İrəvana gəldiyi zaman baş verib.

"Əvvəlcə Ermənistana qayıtmış Qazaxıstan Prezidenti Sadır Japarovu salamlayıram", – deyə Ermənistan hökumətinin başçısı kağızdan mətni oxuyarkən bildirib.

Qeyd olunur ki, o, mətbuata çıxış zamanı da Sadır Japarovu bir neçə dəfə Qazaxıstanın rəhbəri adlandırıb.

Qeyd edək ki, Qagik Vanoyan 2022-ci ilin dekabrından protokol rəhbəri vəzifəsini tuturdu və 2026-cı ilin avqustunda yenidən təyin edilmişdi. Baş nazirin dəftərxanası işdənçıxarılma səbəbinin çıxış materiallarındakı qeyri-dəqiqlik olması ilə bağlı məlumatı rəsmi olaraq şərh etməyib.

Almaz Həsənli