ABŞ Orta Asiya ilə əlaqələri inkişaf etdirmək niyyətindədir

ABŞ Orta Asiya ölkələri ilə münasibətləri inkişaf etdirmək istəyir və onları vacib hesab edir.

Oxuməni.az xəbər verir ki, bunu bunu ABŞ Dövlət Katibi və Milli Təhlükəsizlik Müşaviri Marko Rubio bildirib.

"Bu, təkcə Özbəkistanla bağlı deyil, həm də Mərkəzi Asiyanın digər dörd ölkəsi ilə bağlıdır. Bunlar vacib münasibətlərdir", - deyə o, C5+1 nazirlər görüşündə iştirak edəcəyi Özbəkistana yola düşməzdən əvvəl jurnalistlərə verdiyi müsahibədə bildirib. "Əlaqələr qurmaq üçün səfər etməli olduğunuz ölkələr var", - deyə ABŞ Dövlət Katibi qeyd edib və bunun "strateji səfər" olduğunu vurğulayıb.

C5+1 ABŞ-ın Qazaxıstan, Qırğızıstan, Tacikistan, Türkmənistan və Özbəkistanla qarşılıqlı əlaqəsi üçün bir mexanizmdir. Vaşinqton təxminən 2015-ci ildən bəri bundan istifadə edir. Dövlət Departamentinin əvvəllər elan etdiyi kimi, Rubio həmçinin bu ölkələrin nümayəndələri ilə ikitərəfli görüşlər keçirəcək.

ABŞ Dövlət Departamentinin məlumatına görə, ABŞ-ın 200-dən çox iri biznes nümayəndəsi Özbəkistana gələcək. ABŞ tərəfi hesab edir ki, bu, "ABŞ və Orta Asiya arasında ticarət əlaqələrinin gücləndirilməsində yeni bir dövrün başlanğıcına" töhfə verəcək.

Əziz MUSTAFA